Leita í fréttum mbl.is

Trúin og lesbían ég!

Hvorki Jesús eða Guð skrifuðu Biblíuna.

Fordæming á samkynhneigðu fólki er vel þekkt afsprengi í kristinni hefð og sögu. Líklegt er að fordómar gegn samkynhneigð hafi ríkt löngu áður er biblían var saman sett af skrifum mis umburðarlyndra “sjálfskipaðra” þjóna Guðs.  Enda hefur biblían að geyma allmarga berorða fordóma gegn samkynhneigðum. Þjónar kirkjunnar hafa síðan fram á þennan dag vitnað í biblíuna og haldið því fram að um sé að ræða orð Guðs eða orð Jesús. Gott dæmi um þetta eru ýtrekaðar tilvitnannir í Matteusarguðspjall sem vitað er að eru hvorki skrifuð af Jesús né Matteusi. Það er söguleg staðreynd að guðspjallið er skrifað af óþekktum höfundi 50 árum eftir krossfestinguna.

Séra Ragnar Fjalar Lárusson er einn af þeim sem hefur tjáð sig opinberlega um óskir samkynhneigðra í þá átt að þjóðkirkjan, kirkja allra landsmanna setji öll sóknarbörn sín við sama borð.  Hann vill meina að kirkjan hvorki geti né vilji hrófla við þeim grundvelli sem hjónavígslan byggir á. Hann segist ekki vilja nota orðið syndsamlegt um samkynhneigt fólk heldur sé þetta sjúkdómur eða brenglun og að allir sjúkir menn séu velkomnir í kirkju og að fyrir þeim verði beðið. Að kirkjan muni aldrei fordæma fólk fyrir þá sjúkdóma sem það ber. Svo mörg voru þau orð.

Af hverju ætti ég eða nokkur önnur samkynhneigð manneskja að ganga svo á skjön við eigin hagsmuni að aðhyllast trúarbrögð sem stuðla að slíkri andúð á mér?  Af hverju á ég að sækja sálarþjónustu til sjálfskipaðra þjóna Guðs sem túlka umburðarlyndi hans á þann hátt að mér beri að ala með  mér sjálfshatur og sjálfsvorkun?  Er ekki tvískynnungur kirkjunnar til þess eins fallinn að hafa samkynhneigða að ginningarfíflum þar sem óheiðarleikinn felst í því að hrópa að elska skuli syndarann en hata syndina? 

Af hverju á ég að boða börnunum mínum trú sem hefur óbeit á okkar fjölskyldumynstri?  Ég get ekki í þessum vangaveltum lokið máli mínu án þess að velta fyrir mér hve syndin er lævís og lipur og hvort kristindómurinn og biblían eru til þess fallinn að úthrópa einn hóp til að breiða yfir syndir hinna sjálfskipuðu þjóna Guðs. Eða er öðruvísi túlkun hjá rómversk-kaþólskum prestum þar sem kynferðisleg misnotkun á börnum og þá sér í lagi drengjum hefur hlotið gífurlega athygli og æðstu menn, allt til heilagleikans í Vatikaninu leggja sig í lima við breiða yfir soran.  Slíkri hegðun má stinga undir stól ekki satt? 

Eftir margra ára innri baráttu yfirgaf ég  þjóðkirkjuna eftir að hafa hlýtt á áramótaávarp biskups fyrir ári síðan. Satt best að segja var það erfitt skref.  En ég lít svo á að ég hafi yfirgefið kirkjuna en ekki minn guð.   Ég er í beinu sambandi við Guð sem er umburðalyndur gagnvart öllum mönnum. Í samfélagi við kirkjuna lærði ég að þessi kúgandi meðvitund um það að ég væri eitthvað öðruvísi, sjúk eða brengluð og olli mér aðeins þjáningum sem voru í engu vilji Jesús eða Guðs,  fyrir þeim eru allir menn jafnir og engir “öðruvísi”. Reynsla mín hefur gefið mér færi á að sjá heiminn í öðru ljósi.

Ég þarf hvorki að vera stolt né hafa skömm á kynhneigð minni, hún einfaldlega er og ég veit að allar aldir hafa verið til menn eins og Gunnar í Krossinum, Snorri í Betel og séra Ragnar Fjalar sem skipa sig sjálfir nær Guði en aðrir menn. Þannig voru líka allir skrifarar biblíunnar, sumir vísir aðrir knúnir áfram af fáfræði og fordómum.

- - - - - - - - - - - - -

Guð fyrirgefur Snorra í Betel.

Var að browsa yfir umræður frá því fyrir síðustu áramót á visir.is og fann þessa kveðju til samkynhneigðra frá Snorra í Betel Skaparinn ÞARF enga liðsmenn, hann á þá samt! Það verður að teljast ábyrg afstaða hjá því fólki sem tekur afstöðu gegn samkynhneigð. Undanfarið hafa fréttir greint frá faröldrum sem herja á menn sem eru í samkynhneigðum lifnaði, enda er hann allt annað en skírlífi. Skaparinn gerir þá kröfu til okkar mannanna að við séum "einnar konu eiginmenn" og trúir makanum. Framhjáhald er synd, lauslæti einnig og frillulífi líka. Hvers vegna ætti þá samkynhneigð að vera samþykktur lífsmáti. Liðsmenn skaparans eru einfaldlega á þeirri skoðun að þeir eigi að gæta bróður síns og segja nei við lífsmáta sem opnar fyrir farsóttir og aukið óþarfa álag á heilbrigðiskerfið. Það er ekki rétt að liðsmenn Guðs séu stríðsvænari en aðrir en þeir þora að spyrja : "var rétt að berjast við Hitler?" ef svarið er já þá er stríð réttlætanlegt, svo einfalt er það nú.

Mikið er ég óskaplega fegin að við Snorri í Betel eigum ekki sama Guð. Í Gamla testamentinu er svo margt sem allir trúaðir menn eru löngu hættir að fara eftir. Þar er talað um að lífláta fólk fyrir framhjáhald, hórdóm og falsspádóma. Það eina sem virðist enn vera farið eftir er það sem sagt er um samkynhneigð. Það eru líka fordómar gegn samkynhneigð í Nýja testsmentinu. Enda má öllum vera ljóst að Guð skrifaði ekki testamentin heldur mennirnir sjálfir eftir sinni eigin túlkun og fordómum.Jesús skrifaði ekkert og fyrirgaf öllum, hvort sem það var synduga konan eða skattheimtumaðurinn og spurði bara hver vildi kasta fyrsta steininum. Steinaldarmennirnir Snorri í Betel og Gunnar í Krossinum kasta steinum í allar áttir! Á meðan tekur Jesús á móti öllum börnum Guðs, samkynhneigðum eins og öðrum. "Leyfið börnunum að koma til mín og bannið þeim það ekki".Sem betur fer fyrir Snorra í Betel þá er minn Guð kærleiksríkur og fyrirgefur örugglega Snorra, Gunnari og öllum hinum falsspámönnunum, svo einfalt er það nú.................

Um Madditt

Svanfríður Lár
Fjallar um eitt og annað.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Af mbl.is

Innskráning

Ath. Vinsamlegast kveikið á Javascript til að hefja innskráningu.

Hafðu samband